Biełaruskaja i łatvijska-rasijskaja kampanii buduć sudzicca za naftu 27-hadovaj daŭniny

Biełaruskaje AAT «Połacktransnafta Družba» i łatvijska-rasijskaje TAA «ŁatRasTrans» buduć sudzicca za technałahičnuju naftu, jakaja znachodziłasia va ŭčastkach naftapravodaŭ na terytoryi Łatvii paśla padziełu Savieckaha Sajuza, paviedamlaje BiełTA.

20.02.2018 / 20:08

Pradmietam sprečki źjaŭlajecca tolki technałahičnaja nafta ŭ kolkaści 150 tysiač ton, jakaja znachodziłasia va ŭčastkach mahistralnych naftapravodaŭ Połack — Vientśpiłs i Połack — Biržaj — Mažejkiaj, jakija prachodziać pa terytoryi Łatvijskaj Respubliki i naležać u ciapierašni čas TAA «ŁatRasTrans».

Sudovaja sprečka ŭźnikła ŭ 2010 hodzie, kali TAA «ŁatRasTrans» vyrašyła źlić naftu z naftapravoda, niahledziačy na najaŭnyja dakumienty ab prynaležnaści dadzienaj nafty AAT «Połacktransnafta Družba». Abaraniajučy svajo prava ŭłasnaści, biełaruskaje pradpryjemstva źviarnułasia ŭ sud. Sudy Łatvii razhladajuć hetuju spravu ŭžo 7 hadoŭ.

Sudovaja sprava dajšło da Viarchoŭnaha suda Łatvii, jaki ŭ śniežni 2016 hoda pryniaŭ rašeńnie ab nakiravańni spravy ŭ nižejšuju instancyju dla paŭtornaha razhladu.