Žančyna ŭ Viciebsku vykinuła sabaku z 8 paviercha na vačach u dački
12.02.2018 / 11:42
Ciapier žančynu buduć sudzić.
Samo zdareńnie adbyłosia jašče ŭ listapadzie. A ŭ lutym skončyłasia śledstva, spravu pieradali ŭ sud.
Viadoma, što 35-hadovaja žančyna była napadpitku. Joj nie spadabałasia, što sabaka «parušyŭ sanitarnyja normy» ŭ kvatery. Žančyna schapiła žyviołu za ašyjnik i vykinuła z akna. Sabaka zahinuŭ.
U toj momant u kvatery była 11-hadovaja dačka.
U vyniku, na žančynu zaviali spravu za chulihanstva, joj pahražaje da 3 hadoŭ źniavoleńnia. Žančyna na voli, ale pad padpiskaj, paviedamlajuć śledčyja.
Siamju žančyny pryznali sacyjalna niebiaśpiečnaj. Dzicia zabrali ź siamji — siońnia dziaŭčynka žyvie ŭ svajakoŭ.