Kołbavičy: antyŭnijackuju šyldu, jakuju ŭstalavali kazaki, zdymuć
02.02.2018 / 11:51
U pieršaj pałovie studzienia la viosački Kołbavičy Baranavickaha rajona aktyvistami arhanizacyi «Kazacki Spas» byli ŭstalavanyja dva kryžy. Na adnym dubovym kryžy vykanany nadpis pa-rusku «Adrynutyja hvałtam (1596)», «Uźjadnanyja luboŭju (1839)».
Daty dajuć adsyłku da padziej, źviazanych z unijactvam. 1596 — hod padpisańnia Bresckaj unii. 1839 — hod skasavańnia unii ŭ Rasijskaj Impieryi. Z apošnim nadpisam vypuskaŭsia miedal u Rasijskaj Impieryi.
Paźniej stała viadoma, što kryžy byli ŭstalavanyja samavolna, biez dazvołu baranavickich uładaŭ. 2 lutaha ŭ Baranavickim rajvynkamie prajšła narada adnosna hetych kryžoŭ.
U addziele ideałohii rajvykankama «NN» paviedamili, što adzin z kryžoŭ byŭ usio ž ustalavany zakonna. Jon pastaŭleny na miescy staroha, jaki ŭžo padhniŭ, a miascovyja ludzi daŭno prasili jaho zamianić. Na tym kryžy niama nijakich šyldaŭ, a prosta nievialičkaja ikonka.
Što tyčycca druhoha kryža, to ŭ rajvynkamie vyrašyli, što šylda pavinna być źniataja, ale sam kryž budzie ŭzakonieny.
«Što tyčycca suviaziaŭ z kazactvam, to heta ŭsio dudki. My źviazvalisia z baranavickim kazactvam, nam skazali, što heta nie jany. Śviatar, jaki aśviaciŭ hety kryž, nie viedaje, chto heta rabiŭ», — skazali ŭ addziele ideałohii.
Pobač z Kołbavičami na ŭźbiarežžy Ščary pabudavany turystyčny kompleks. Budavali jaho z udziełam rasijskaha kapitału. Najpierš na hetym miescy była ŭźviedzienaja kaplička ŭ honar Maci Božaj «Žyvanosnaja krynica».