Xiaomi pakazała partatyŭny pryntar dla fatahrafij sa smartfona
Kitajskaja kampanija Xiaomi prezientavała čarhovuju pryładu: maleniečki pryntar, stvorany adpaviedna dla drukavańnia fotazdymkaŭ, zroblenych na smartfon. Pra heta paviedamlaje partał Gizchina. Data pačatku prodažaŭ pakul nieviadomaja.
01.02.2018 / 17:14
Pryłada nastolki minijaturnaja, što ź lohkaściu źmieścicca na dałoni. Niahledziačy na heta, padtrymka 256 hradacyj koleraŭ zabiaśpiečvaje dobruju jakaść nadrukavanaj vyjavy, zapeŭnivaje pradstaŭnik kampanii. Pryntar vykarystoŭvaje technałohiju sublimacyjnaha druku, a pamier nadrukavanych fota — 56 na 86 mm z razroźnieńniem 300 dpi.
Cikavaja asablivaść takich fatahrafij — mahčymaść być «ažyŭlenymi» z dapamohaj technałohij dapoŭnienaje realnaści. Kali zapuścić na smartfonie adpaviedny dadatak i navieści kamieru na nadrukavanaje fota, vyjava na im pačnie ruchacca.