Pa «rasijskaj spravie» ŭ ZŠA dapytali hienieralnaha prakurora — pieršaha člena administracyi Trampa
23.01.2018 / 19:46
Hienieralny prakuror ZŠA Džef Siešns byŭ dapytany śledčymi Robierta Miulera, rasśleduje abvinavačvańni ŭ tym, što štab kandydata ŭ prezidenty Donalda Trampa supracoŭničaŭ z Rasijaj.
Nakolki viadoma, Siešns staŭ pieršym dziejnym členam administracyi Trampa, što daŭ pakazańni śpiecprokuroru Miuleru, piša New York Times sa spasyłkaj na pradstaŭnika ministerstva justycyi ZŠA Saru Ishur Fłores.
Hazieta udakładniaje, što dopyt prajšoŭ na minułym tydni i doŭžyŭsia niekalki hadzin.
Raniej u studzieni amierykanskaja presa paviedamlała, što kamanda Robierta Miulera moža dapytać i samoha prezidenta Trampa.
Pa dadzienych ananimnych krynic, jurysty Trampa nibyta nie padzialajuć jaho entuzijazmu i ŭsialak piarečać asabistaj sustrečy prezidenta sa śpiecprokurorom sam-nasam.