U Biełarusi pakažuć čornuju kamiedyju «Śmierć Stalina», a ŭ Rasii jaje zabaranili
23.01.2018 / 18:18
Ministerstva kultury Rasii adazvała prakatnaje paśviedčańnie brytanskaj satyryčnaj kamiedyi režysiora Armanda Ianučy «Śmierć Stalina». Premjera miełasia adbycca 25 studzienia. U hety ž dzień premjera filma płanujecca i ŭ Biełarusi — rašeńnie ab tym, ci pakazvać karcinu ŭ kinateatrach, Ministerstva kultury našaj krainy prymie tolki ŭ dzień premjery, paviedamlaje TUT.BY.
Jak rastłumačyli ŭ sietcy Silver Screen, u adroźnieńnie ad rasiejskich kalehaŭ, jakija hladziać stužku za dzień da premjery, biełaruski Minkult znajomicca sa stužkaj u pieršy dzień prakata i svajo zaklučeńnie robić postfaktum.