Minčuk, jaki vyjhraŭ usiedarožnik, siedziačy ŭ SIZA za ŭhon mašyny, atrymaŭ svoj pryz
14.01.2018 / 08:46
19-hadovy Kanstancin Sirotka, jaki ŭ śniežni vyjhraŭ usiedarožnik u rekłamnaj hulni «Jeŭraopta» znachodziačysia ŭ SIZA pa padazreńni va ŭhonie aŭtamabila, usio ž taki zmoh atrymać uznaharodu, paviedamlaje BiełTA.
Utrymańnie ŭ SIZA naprykancy śniežnia było zamienienaje jamu na padpisku ab niavyjeździe, i chłopiec zdoleŭ sabrać i padać arhanizataram łatarei ŭsie nieabchodnyja dakumienty. Pradstaŭniki «Jeŭraopta» uručyli jamu klučy ad aŭtamabila «Hyundai Creta».
«U budučyni chaču adkryć svoj biznes, a ciapier — zdać na pravy», — skazaŭ pieramožca łatarei.