Niamieččyna budzie płacić mihrantam da 3000 jeŭra za dobraachvotnaje viartańnie na radzimu

udakładniena

03.12.2017 / 22:43

Dla taho, kab paźbiehnuć kaštoŭnych departacyj, MUS Niamieččyny maje namier vykarystoŭvać naŭprostavyja finansavyja stymuły dla zaachvočvańnia mihrantaŭ, čyje zajavy ab pradastaŭleńni prytułku byli adchilenyja, dla ichnaha dobraachvotnaha adjezdu, paviedamlaje Bild am Sonntag.

Ministr unutranych spraŭ Niamieččyny Tomas de Mezjer

Siamja mihrantaŭ z dziciom, jakaja pahadzicca pakinuć terytoryju Niamieččyny da lutaha, atrymaje ad niamieckaha ŭrada 3000 jeŭra. Pra pačatak dziejańnia novaj prahramy repatryjacyi mihrantaŭ zajaviŭ ministr unutranych spraŭ FRH Tomas de Mezjer na staronkach niadzielnaha vydańnia Bild am Sonntag.

U ciapierašni čas u Niamieččynie pražyvaje 115 tys. mihrantaŭ, jakim niamieckija ŭłady aficyjna admovili ŭ prytułku abo inšaj formie abarony. U vypadku 80 tysiač ź ich ułady zhodnyja dazvolić dalejšaje znachodžańnie ŭ Niamieččynie pa asabistych abo palityčnych pryčynach, a 35 tys. pavinny nieadkładna pakinuć terytoryju Niamieččyny.

Za 11 miesiacaŭ hetaha hoda niamieckija ŭłady departavali 19,5 tysiač čałaviek. Dla departacyi davodzicca pieraadolvać šmatlikija ciažkaści, źviazanyja z dakumientami, a taksama z admovami krain pachodžańnia mihrantaŭ supracoŭničać.

Umovaj udziełu ŭ novaj prahramie zjaŭlajecca napisańnie zajavy ab admovie abskardžvać rašeńnie ab adchileńni chadajnictva pa nadanńni prytułku i ab žadańni dobraachvotna viarnucca na radzimu. Kali ž mihrant paŭtorna pažadaje trapić na terytoryju Niamieččyny i budzie identyfikavany, jaho čakaje nieabchodnaść viarnuć atrymanuju vyjaznuju dapamohu.

Drukujecca ŭ miežach śpiecyjalnaj rubryki «Naviny Hiermanii»