Мінадукацыі «рэкамэндавала» вярнуць курс мовы ў ВНУ
Аб гэтым гаворыцца ў адказе намесьніка міністра Казіміра Фарыно на адозву Таварыства беларускай мовы.
09.09.2008 / 10:58
Міністэрства адукацыі рэкамэндавала ў кожнай ВНУ арганізаваць абавязковае вывучэньне курса прафэсійнай лексыкі беларускай мовы ў аб'ёме 34 гадзін.
Аб гэтым гаворыцца ў адказе намесьніка міністра Казіміра Фарыно на адозву Таварыства беларускай мовы.
Пасьля ўвядзеньня новых агульнаадукацыйных стандартаў вышэйшай адукацыі Мінадукацыі скасавала курс «Беларуская мова (прафэсійная лексыка)». У гэтай сытуацыі кіраўніцтва ТБМ арганізавала збор подпісаў грамадзян і зьвярнулася ў Адміністрацыю прэзыдэнта з просьбай вярнуць вывучэньне курсу ў праграмы ВНУ.