Kala Doma ŭrada prajšła niesankcyjanavanaja akcyja salidarnaści z handlarami-IPešnikami ANŁAJN
Udzielniki akcyi, ładžanaj AHP, patrabavali admieny ŭkazu №222, jakim uvodzicca abaviazkovaja siertyfikacyja pradukcyi IP.
18.01.2016 / 13:08
12:42
Akcyja skončana.
Labiedźka pieradaŭ va ŭrad prapanovy pa vyvadzie ekanomiki z kryzisu.
Taksama jon zaklikaŭ, kab ludzi prychodzili na sudy nad tymi, na kaho siońnia skłali pratakoły.
12:29
Labiedźka zaklikaje pradprymalnikaŭ za zabastoŭki i «schavanych akcyj pratestu». Zaraz pojduć da budynka ŭrada pieradavać zvarot.
12:24
Pačali składać pratakoł na aktyvistku AHP Volhu Majoravu, jakaja razdavała partyjnuju hazietu «Hołas rozumu»
12:17
Praciahvajuć składać pratakoły. Składajuć pratakoł na Ninu Bahinskuju, jakaja pryjšła na akcyju sa ściaham.
«Hałoŭnaje — nie bajacca, navat kali daduć 15 sutak», — kaža A.Labiedźka.
Usiaho ŭdzielnikaŭ akcyi (pradprymalnikaŭ i členaŭ AHP) — kala 30 čałaviek. Pa słovach Labiedźki, jość pradprymalniki ź Minska, Hrodna, Viciebska, Krupak.
12:11
Padyšli supracoŭniki milicyi, składajuć pratakoły na Labiedźku i chłopca z płakatam.
12:09
Siabry AHP razdajuć svaje haziety.
Pryjšoŭ chłopiec u bieł-čyrvona-biełym šaliku i z płakatam trasiankaj «Chvatit mołčať. Łukašenka — pozor Biełarusi». Jaho zavuć Artur Adamian.
Pačynajecca mitynh.
A 12-j u Minsku ŭ paniadziełak pačałasia akcyja salidarnaści ź indyvidualnymi pradprymalnikami «Ja — IP», jakuju ładzić Abjadnanaja hramadzianskaja partyja.
12:02
Sabrałasia kala 20 čałaviek, siarod udzielnikaŭ kiraŭnik AHP Anatol Labiedźka, pradrymalnik Aleś Makajeŭ, Viktar Karniajenka, były aficer milicyi — Mikałaj Kazłoŭ.
Cicharoŭ, u svaju čarhu, čałaviek 20, najbolej žurnalistaŭ — 30
Pakul usio spakojna.
***
Nahadajem, što na minułym tydni šerah IP sabralisia na forum u Minsku, pratestujučy suprać pryniaćcia ŭkazu №222, što patrabuje ad ich siertyfikacyi tavaraŭ.
U svaju čarhu Alaksandr Łukašenka 14 studzienia prakamientavaŭ situacyju vakoł IP, zajaviŭšy, što «z 1 studzienia skončylisia ich miadovyja hady i treba pracavać u roznych umovach, pa adpaviednych dakumientach».
«Im treba razumieć, što siertyfikacyja pradukcyi, na jakuju my pajšli, — heta pieršy krok. Jość tavar - usio supravadžalnyja dakumienty pavinny być. My pavinny prazrysta handlavać, i chopić vakoł hetaha niejkija koźni ładzić», — padkreśliŭ tady Alaksandr Łukašenka.