Сёння стане вядомы ўладальнік «Залатога мяча — 2015»
11.01.2016 / 13:56
Сёння ў Цюрыху адбудзецца ўручэнне «Залатога мяча» найлепшаму футбалісту свету па выніках 2015 года.
У галасаванні прымалі ўдзел галоўныя трэнеры і капітаны нацыянальных зборных, а таксама прадстаўнікі СМІ.
На прыз ФІФА прэтэндуюць трое — форвард «Барселоны» Ліянэль Месі, які выйграваў узнагароду 4 разы запар з 2009 па 2012 гады, дзеючы ўладальнік форвард «Рэала» Крышціяну Раналду і форвард «Барселоны» Неймар.
Акрамя таго, на афіцыйнай цырымоніі, якая пачнецца ў 20.30 паводле мінскага часу, будуць абвешчаныя найлепшы трэнер года, сімвалічная зборная, аўтар найлепшага гола ў 2015 годзе, а таксама найлепшая футбалістка.