Вядомы расійскі баец Аляксандр Емяльяненка атрымаў 4,5 года калоніі

Былую зорку змешаных адзінаборстваў у аўторак прысудзілі да чатырох з паловай гадоў зняволення, перадае ТАСС.

20.05.2015 / 17:14

polit.ru

Байца прызналі вінаватым па адразу двух артыкулах Крымінальнага кодэксу – сэксуальны гвалт і крадзеж.

Паводле следства, мінулай вясной Аляксандр Емяльяненка за адну ноч двойчы згвалціў сваю жанчыну-прыслугу, а потым скраў у яе пашпарт.

Пацярпелы бок задаволены прысудам, а абаронца спартоўца заявіў, што будзе яго абскарджваць.

Аляксандр Емяльяненка – вядомы расійскі спартовец, шматкратны чэмпіён Расіі і свету па баявым самба, брат тытулаванага Фёдара Емяльяненкі. Аляксандр скончыў сваю кар’еру ў 2012 годзе, пасля чаго некаторы час жыў у адным з афонскіх манастыроў.

Арцём Гарбацэвіч