Google navučyŭsia zdabyvać tajmłapsy z fota karystalnikaŭ VIDEA
Z 86 miljonaŭ fota možna zrabić niekalki čaroŭnych videarolikaŭ.
18.05.2015 / 18:17
Daśledčyki Google i Univiersiteta Vašynhtona raspracavali ałharytm, što dazvalaje źbirać fota karystalnikaŭ u videa takim čynam, niby videa zdymalisia z adnoha rakursu ciaham niekalkich hod.
Atrymanyja tajmłapsy demanstrujuć źmieny łandšaftaŭ — jak pryrodnych, tak i ŭrbanistyčnych. Toje, na što raniej sychodzili hady, ałharytm robić za 6 hadzin.
U ekśpierymiencie daśledčyki skarystalisia 86 miljonami zdymkaŭ z chostynhaŭ Picasa i Panoramio, ź jakich adabrali bolš za 20 tysiač kłastaraŭ z sotniami fota z adnoha rakursu. Ź ich byli abranyja tyja kłastary, što mieli bolš za tysiaču zdymkaŭ.
Uziaŭšy za asnovu adzin bazavy kadr, ałharytm «time-lapse mining» nakłaŭ na jaho astatnija fota, uparadkavanyja pa dacie. Fota byli nabližanyja adno da adnoha pa aśviatleńni i kolerach.