24-hadovy žychar Bierastavickaha rajona raściŭ kanopli ŭ zakinutaj chacie
17.05.2015 / 20:52
Kryminalnaja sprava ŭ sfiery niezakonnaha zvarotu narkotykaŭ pa č. 1 art. 328 KK raspačata ŭ dačynieńni da 24-hadovaha žychara Bierastavickaha rajona, jaki arhanizavaŭ narkałabaratoryju.
Jak paviedamlaje UUS Hrodzienskaha abłvykankama, małady čałaviek, kab, na jaho dumku, zastavacca ŭ ciani, usio zrabiŭ u zakinutym domie, jaki daŭnym-daŭno nichto nie naviedvaŭ. Padazravany ŭ niezakonnym zvarocie narkotykaŭ navat paśpieŭ sabrać nievialiki ŭradžaj niedaśpiełych kanoplaŭ, pakul pra jaho sielhasschilnaści nie daviedalisia apieratyŭniki miascovaha rajaddzieła milicyi.
Padčas apieratyŭna-vyšukovych mierapryjemstvaŭ chłopca zatrymali prosta «na pracoŭnym miescy». Padčas ahladu pamiaškańnia milicyjanty kanfiskavali vosiem kustoŭ kanoplaŭ, tajmier, elektronnyja vahi, niekalki ciepłavych vientylataraŭ, lampy, a taksama inšyja aksesuary.
Padazravany padyšoŭ da spravy z usioj adkaznaściu. Kab nie zahubić ŭradžaj, jon vioŭ tablicy, u jakich pakazvaŭ tempieraturu i čas palivu raślin. Dadzienyja analizavalisia, paśla čaho prymalisia adpaviednyja rašeńni pa dalejšym dohladzie za kanoplami.
Pavodle infarmacyi opierupaŭnavažanaha hrupy pa narkakantroli i supraćdziejańni handlu ludźmi Bierastavickaha RAUS Mikałaja Łapinskaha, nasieńnie kanoplaŭ chłopiec zamoviŭ u internecie. Pasyłkaj jany pryjšli z-za miažy. Da momantu zatrymańnia «ahraryja» uradžaj vyśpieŭ tolki napałovu (z momantu pasadki nasieńnia prajšło dva miesiacy).
Papiarednie ŭstanoŭlena, što «traŭku» małady čałaviek vyroščvaŭ dla siabie.