Na turniry ŭ Madrydzie Azaranka prajhrała Uiljams

06.05.2015 / 21:21

Biełaruskaja tenisistka Viktoryja Azaranka (31-je miesca ŭ rejtynhu) zaviaršyła vystupleńnie na turniry ŭ Madrydzie z pryzavym fondam 4.185.405 dalaraŭ ZŠA.

6 maja ŭ 1/8 finału (treci kruh) jana prajhrała pieršaj rakietcy śvietu Sierenie Uiljams z ZŠA — 6:7 (5:7), 6:3, 6:7 (1:7). Sustreča doŭžyłasia 2 hadziny 43 chviliny.

Statystyka: ejsy — 7:13 na karyść Uiljams, dvajnyja pamyłki — 10:5, brejk-pojnty — 4/4:3/6, pracent vyjhryšu pieršaj padačy — 70:78, druhoj padačy — 47:43.

Lik asabistych sustreč staŭ 15:3 na karyść spartśmienki z ZŠA.

U 1/32 finału Azaranka vyjhrała ŭ starejšaj siastry Siereny Vienus Uiljams (16) — 6:3, 7:5, a ŭ nastupnym raŭndzie była macniejšaj za charvatku Ajłu Tamlanavič (61) — 6:3, 6:3.

BiełaPAN