Žan-Mary Le Piena jaho ž partyja adchiliła ad palityčnaj dziejnaści
04.05.2015 / 23:23
Francuzskaja ultrakansiervatyŭnaja partyja «Nacyjanalny front» prypyniła členstva ŭ arhanizacyi jaje zasnavalnika Žan-Mary Le Piena na fonie skandału, jaki razhareŭsia z-za jaho vykazvańniaŭ u presie.
AFP
Raniej Žan-Mary Le Pien — paśla pasiadžeńnia palitbiuro partyi — zajaviŭ, što admaŭlajecca pakinuć palityčnuju arhanizacyju. Palityk zajaviŭ, što jamu prapanavali pakinuć palityčnuju dziejnaść, adnak jon admoviŭsia i zachavaŭ za saboj pasadu hanarovaha staršyni «Nacyjanalnaha frontu».
Raniej na fonie skandału Le Pien pahadziŭsia źniać svaju kandydaturu z rehijanalnych vybaraŭ u Francyi. Zamiest 86-hadovaha palityka śpis partyi ŭ rehijonie Pravans-Alpy-Błakitny bierah uznačaliła jaho 25-hadovaja ŭnučka Maryjon Mierešal Le Pien.
Pryčynaj skandału stali vykazvańni Le Piena-starejšaha nakont palityki maršała Pietiena, jaki supracoŭničaŭ z nacystami, i jaho staŭleńnie da Chałakostu.
Dačka palityka Maryn Le Pien, jakaja ŭznačalvaje partyju, nazvała vykazvańni baćki palityčnym samahubstvam.