Vaviorki-vampiry pryznanyja ŭładalnikami samych puchnatych chvastoŭ FOTA
Ale lepiej ich nie čapać. Navat kali vy aleń.
27.04.2015 / 20:01
Analiz pieršaha jakasnaha fota hronkavuchich vaviorak Rheithrosciurus macrotis, taksama viadomych jak vaviorki-vampiry, pakazaŭ, što jany majuć samyja abjomnyja chvasty siarod žyvioł Ziamli, pišuć zaołahi ŭ časopisie Taprobanica.
Chvost vaviorki-vampira na 30% bolšy pa abjomie za jaje cieła, što jość suśvietnym rekordam.
Hałoŭnym aŭtaram daśledavańnia nazvanaja junaja Emili Mejiaard, jakaja napisała rabotu razam sa svaimi baćkami-navukoŭcami. Utroch jany sabrali infarmacyju pra vaviorak-vampiraŭ, jakija napadajuć na chatnich kurak u čałaviečych pasieliščach dy źjadajuć tolki ichnyja sercy i piačonki.
Ad miascovych palaŭničych jość śviedčańni i pra napady vaviorak (pamierami cieła kala 40 sm) na darosłych aleniaŭ.
Padčas zboru infarmacyi pra redkich vaviorak i byli atrymanyja pieršyja ich vysakajakasnyja fota i videa ŭ naturalnym asiarodździ.