SK Rasii zaviaršyŭ rasśledavańnie pa spravie Saŭčanka
24.04.2015 / 17:45
Śledčy kamitet RF zaviaršyŭ śledčyja dziejańni ŭ dačynieńni da byłoj ukrainskaj vajennasłužačaj Nadziei Saŭčanka. «Nadziei Saŭčanka pradjaŭlenaje abvinavačvańnie ŭ kančatkovaj redakcyi», — paviedamiŭ pradstaŭnik SK RF Uładzimir Markin.
Reuters
«Upraŭleńniem pa rasśledavańni złačynstvaŭ, źviazanych z užyvańniem zabaronienych srodkaŭ i mietadaŭ viadzieńnia vajny, SK RF hramadziancy Ukrainy Nadziei Saŭčanka pradjaŭlenaje abvinavačvańnie ŭ ździajśnieńni złačynstvaŭ, praduhledžanych č.5 art.33, p.p. «a, je, ž, ł» č.2 st.105, č.5 art.33, č.3 art.30, p.p. «a, je, ž, ł» č.2 st.105, č.1 st.322 KK RF (dapamoha ŭ zabojstvie dvuch i bolš asob, dapamoha ŭ zamachu na zabojstva dvuch i bolš asob ahulnaniebiaśpiečnym sposabam, pa matyvach palityčnaj nianaviści, ździejśnienaje hrupaj asobaŭ, niezakonnaje pierasiačeńnie miažy RF)», — paviedamiŭ pradstaŭnik SK.
«U bližejšy čas materyjały kryminalnaj spravy ŭ adnosinach da Saŭčanka buduć vydzielenyja ŭ asobnuju spravu z ahulnaj kryminalnaj spravy ab užyvańni zabaronienych srodkaŭ i mietadaŭ viadzieńnia vajny dla zaviaršeńnia rasśledavańnia, pradastaŭleńnia bakam dla aznajamleńnia i nastupnaj pieradačy ŭ sud», — dadaŭ jon.
U čym abvinavačvajuć Saŭčanka
Pavodle dadzienych śledstva, «padčas vajennych dziejańniaŭ u rajonie Łuhanska ŭ červieni 2014 Saŭčanka, daviedaŭšysia kaardynaty raźmiaščeńnia hrupy rasiejskich žurnalistaŭ VHTRK i inšych hramadzianskich asob pad Łuhanskam, pieradała ich ukrainskim uzbrojenym farmiravańniam. Paśla hetaha mienavita pa hetych kaardynatach byŭ zrobleny artyleryjski abstreł, u vyniku jakoha zahinuli supracoŭniki VHTRK Ihar Karnialuk i Anton Vałošyn. Taksama mahli paciarpieć i inšyja hramadzianskija asoby, jakija znachodzilisia pobač. Paśla hetaha Saŭčanka biez dakumientaŭ pad vyhladam uciakački pierasiekła miažu Rasii. Pry praviercy dakumientaŭ u adnym z nasielenych punktaŭ jana była zatrymanaja dla vyśviatleńnia asoby».
Pavodle dadzienych pravaachoŭnych orhanaŭ, jana źjaŭlałasia vajennasłužačaj uzbrojenych sił Ukrainy, pa vajskovaj śpiecyjalnaści — apierataram-navodčykam viertalota «Mi-24».
«U śledstva jość nieabvieržnyja dokazy ŭ vyhladzie ŭłasnaručnych zapisaŭ Saŭčanka, jakija pacviardžajuć jaje dačynieńnie da karekciroŭki ahniu, dadzienyja balistyčnaj ekśpiertyzy frahmientaŭ askiepkaŭ, kanfiskavanych ź ciełaŭ zahinułych, i fota- i videamateryjały miescy hibieli žurnalistaŭ, u tym liku niepasredna artyleryjskaha abstrełu, a taksama dadzienyja, atrymanyja z kaśmičnych spadarožnikaŭ. Usie hetyja dokazy pradstaŭlenyja śledstvam dla praviadzieńnia situacyjnaj sudovaj ekśpiertyzy. Heta tolki častka dokazaŭ, jakija ŭ sukupnaści ź inšymi buduć pradstaŭlenyja na sudzie», — adznačyŭ Uładzimir Markin.