Da 9 maja na minskija piešachodnyja pierachody naniasuć zialonuju raźmietku
Na pierachodach u centry Minska źjavicca raźmietka dla rovaraŭ.
24.04.2015 / 14:06
Fota: sb.by
Admysłovaja «płastykavaja» raźmietka na miescach pierasiačeńnia rovarnych darožak i piešachodnych pierachodaŭ pačnie źjaŭlacca ŭ Minsku da 9 maja, raspaviadaje «Minsk-naviny» namieśnik načalnika UDAI HUVS Minharvykankama Andrej Zyranaŭ.
Pierachody ŭ centralnaj častcy horada atrymajuć raźmietku da 9 maja, u inšych častkach Minska — užo paśla śviata.
Takaja ža raźmietka źjavicca na rovarnych darožkach, jakija prachodziać pa piešych darohach — ahulnaja praciahłaść takich pierasiačeńniaŭ u Minsku składaje 40 km.
Zialonaja raźmietka ŭžo źjaviłasia ŭ vieraśni 2014 hoda na skryžavańni praśpiekta Pieramožcaŭ i prajezda Drazdy, paźniej na niekatorych inšych vulicach. «Płastykavaja» raźmietka bolš tryvałaja za zvyčajnyja farby i maje śvietłaviartalnuju funkcyju (to značyć, budzie bolš zaŭvažnaj u śviatle far).
Čytajcie taksama: U Minsku možna budzie biaspłatna arandavać «Dobry rovar»