Łukašenka zaprasiŭ premjera Hruzii ŭ Biełaruś
24.04.2015 / 00:29
fota z fejsbuka prezidenta Hruzii Hieorhija Marhviełašvili
Alaksandr Łukašenka zaprasiŭ premjer-ministra Hruzii Irakłija Harybašvili ŭ Biełaruś, paviedamlaje pres-słužba hruzinskaha ŭrada ŭ čacvier, 23 krasavika. Pra heta Łukašenka zajaviŭ viečaram na aficyjnaj viačery ad imia kiraŭnika hruzinskaha ŭrada ŭ Tbilisi.
«Premjer-ministr Hruzii zaprasiŭ Alaksandra Łukašenki i ŭradavuju delehacyju ź Biełarusi na aficyjnuju viačeru. Iraklij Harybašvili taksama padziakavaŭ prezidentu Biełarusi za vizit i vykazaŭ nadzieju na dalejšaje pahłybleńnie adnosin pamiž dźviuma krainami», - havorycca ŭ paviedamleńni.
Pierad pačatkam aficyjnaj viačery biełaruskija hości pradehustavali niekalki hatunkaŭ hruzinskich vinaŭ i atrymali infarmacyju pra historyju hruzinskaha vinarobstva.
Łukašenka prybyŭ u Tbilisi ź vizitam 22 krasavika. U piatnicu jon kirujecca ŭ Batumi.