IKEA zabaraniła hulać u chovanki ŭ kramach
17.03.2015 / 21:46
Kampanija IKEA zabaraniła pravodzić masavuju hulniu ŭ chovanki ŭ svaich kramach u Niderłandach.
Raniej niekalki tysiač čałaviek damovilisia ŭ «Fejsbuku» pahulać u chovanki ŭ kramach IKEA ŭ Ejndchovienie, Amsterdamie i Utrechcie. Usiaho ŭ hulniach mieli namier pryniać udzieł kala 60 tysiač čałaviek, bolšaść ź ich — 32 tysiačy — u Ejndchovienie.
Kiraŭnictva IKEA zabaraniła hetyja mierapryjemstvy ź mierkavańniaŭ biaśpieki.
«Padobnyja akcyi ciažka kantralavać. My pavinny być upeŭnienyja ŭ tym, što ludzi znachodziacca ŭ biaśpiecy ŭ našych kramach, a heta davoli składana, kali nie viedać, u jakim mienavita miescy jany znachodziacca», — patłumačyła pres-sakratarka IKEA Marcina Śmiedbierh.
Ciapier arhanizatary mierapryjemstva šukajuć novaje miesca dla hulni.
U minułym hodzie takija ž hulni pravodzilisia ŭ Bielhii i ŭ ich pryniali ŭdzieł kala 500 čałaviek. Ludzi chavalisia ŭ ladoŭniach, pad miakkimi cackami, u chod taksama išli firmovyja sumki. Niekatoryja hulcy navat załazili ŭ skryni pad łožkami.
U listapadzie 2014 12-hadovy školnik z Šanchaja schavaŭsia ŭ kramie ad baćkoŭ z-za niazroblenaha chatniaha zadańnia pa matematycy. Supracoŭniki pravaachoŭnych orhanaŭ znajšli jaho tolki praz šeść dzion.