У Версалі забаранілі «палкі для сэлфі»
09.03.2015 / 16:42
У Версальскім палацы ў Францыі забаранілі так званыя манаподы, або штатывы для сэлфі — спецыяльныя прыстасаванні для здымкі самога сябе на мабільны тэлефон.
slate.com
Тысячы турыстаў штодня наведваюць Версаль, многія залы запаўняюць тлумы народу.
Прадстаўнікі палаца лічаць, што, выкарыстоўваючы штатывы, наведвальнікі могуць пашкодзіць каштоўныя творы мастацтва.
Версаль стаў першым еўрапейскім музеем, які забаранў манапод. Раней «палкі для сэлфі» ўжо забаранілі шматлікія музеі ў ЗША. У Нью-Ёрку гэта Музей сучаснага мастацтва, Музей дызайну Купер-Х'юіт і Смітсанаўскі музей дызайну.