U žychara Mazyra kanfiskavana 150 šakaładnych cukierak ź psichatropami
03.03.2015 / 17:23
U kancy lutaha supracoŭniki ŭpraŭleńnia pa narkakantroli i supraćdziejańni handlu ludźmi zatrymali žychara Mazyra 1983 hoda naradžeńnia, raniej sudzimaha za niezakonny abarot narkatyčnych srodkaŭ.
U jaho kanfiskavana 150 šakaładnych cukierak vahaj u paŭtara kiłahrama, jakija ŭtrymlivajuć psichatropnyja rečyvy.
Jak paviedamiŭ načalnik UNiSHŁ UUS Homielskaha abłvykankama Juryj Markievič, zatrymany vyrablaŭ z šakaładu cukierki, nasyčaŭ ich psichatropnym rečyvam i «dekaravaŭ», prysypajučy źvierchu marychuanaj. U zapisach mužčyny apieratyŭniki znajšli nazvu cukierak: «štučny sintezavany anałah kanoplaŭ».
Partyja cukierak u 150 štuk moža śviedčyć ab tym, što tavar pryznačaŭsia dla prodažu, adznačyŭ Markievič. Viadziecca śledstva, vyśviatlajucca akaličnaści złačynnaj dziejnaści zatrymanaha.