Латвія можа запусціць ТБ-канал на рускай мове для Латгаліі
01.03.2015 / 22:31
У апошнія дні прадстаўнікі міністэрстваў разглядалі варыянты, як прымусіць латвійцаў глядзець мясцовыя тэлеканалы замест расійскіх.
Як стала вядома перадачы Латвійскага тэлебачання De facto, у якасці аднаго з магчымых сцэнарыяў разглядаецца стварэнне асобнага бясплатнага канала для жыхароў Латгаліі — прычым, на рускай мове.
Фінальнае рашэнне пакуль не прынята, але ідэя пра «Латгальскае ТБ» сапраўды абмяркоўваецца.
Кіраўнік Камісіі нацыянальнай бяспекі Сейма Солвіта Аболціня патлумачыла, што гэта пытанне разглядаецца.