BČ skaračaje kolkaść ciahnikoŭ u Maskvu i Sankt-Pieciarburh

25.02.2015 / 16:59

Jak paviedamili ŭ pres-słužbie Biełaruskaj čyhunki, takoje rašeńnie pryniata «z metaj pavyšeńnia ekanamičnaj efiektyŭnaści pasažyrskich pieravozak, a taksama ŭ suviazi sa źnižeńniem pasažyrapatoku». 

Z 5 sakavika kursiravańnie ciahnikoŭ № 132 Brest — Maskva (adpraŭleńnie z Bresta ŭ 4.30) budzie ažyćciaŭlacca «pa ŭkazańni», heta značyć pry pavieličeńni pasažyrapatoku.

Z 29 sakavika ciahnik № 25 Maskva — Minsk budzie adpraŭlacca z Maskvy ŭ 19.24 i prybyvać u Minsk u 6.10 (ciapier, adpaviedna, — u 8.45 i ŭ 19.35). 

Z 29 sakavika taksama źmienicca raskład ruchu ciahnika № 27, jaki budzie adpraŭlacca z Maskvy ŭ 22.25 i prybyvać u Brest u 12.45 (ciapier — 14.09 i 4.54, adpaviedna). 

Akramia taho, z 29 sakavika ciahniki № 50/49 Brest — Sankt-Pieciarburh i № 78/77 Hrodna — Maskva buduć kursiravać «pa ŭkazańni». U toj ža čas dla zabieśpiačeńnia pieravozak pasažyraŭ pa hetych maršrutach praduhledžana štodzionnaje kursiravańnie hrup bieśpierasadačnych vahonaŭ z Bresta da Sankt-Pieciarburha i nazad u składzie ciahnika № 52/51 Minsk — Sankt-Pieciarburh i z Hrodna da Maskvy ŭ składzie ciahnika № 96/95 Brest — Maskva. 

Pry ruchu z Bresta hrupa bieśpierasadačnych vahonaŭ Brest — Sankt-Pieciarburh znachodzicca ŭ składzie ciahnika № 652 Brest — Minsk na ŭčastku ad Bresta da Minska. Pry ruchu z Sankt-Pieciarburha hrupa vahonaŭ budzie kursiravać u składzie ciahnika № 27 Maskva — Brest. 

Pa maršrucie Hrodna — Maskva hrupa bieśpierasadačnych vahonaŭ budzie kursiravać z Hrodna ŭ składzie ciahnika № 624 Hrodna — Viciebsk i № 634 Hrodna — Mahiloŭ da Minska i dalej u składzie ciahnika № 96 Brest — Maskva. U zvarotnym napramku hetyja vahony buduć adpraŭlacca z Maskvy ŭ składzie ciahnika № 95 Maskva — Brest i dalej ź Minska — u składzie ciahnika № 677 Minsk — Hrodna.

BiełaPAN