U hrodzienskim kaledžy «abkuranaha» vučnia zatrymali prosta na zaniatkach

Raniej chłopiec užo stajaŭ na ŭliku ŭ narkołaha.

25.02.2015 / 09:51

U adnym z hrodzienskich kaledžaŭ padčas zaniatkaŭ zatrymali «abkuranaha» vučnia. Jak piša «Viečiernij Hrodno», vykładčyki zaŭvažyli, što chłopiec dziŭna vyhladaje: razmaŭlaje zapavolena, maje sonny vyhlad, stomlenyja vočy. 18-hadovaha junaka vyklikali da dyrektara.

U prysutnaści milicyjantaŭ u chłopca znajšli schavany pad ramianiom nievialiki skrutak z rečyvam raślinnaha pachodžańnia. Sam vučań zajaviŭ, što ničoha nie paliŭ i pačuvajecca dobra. Viadoma, što jon užo znachodziŭsia na ŭliku ŭ narkołaha.

Na terytoryi kaledža znajšli jašče niekalki skrutkaŭ z padazronym źmieścivam. Ich nakiravali na ekśpiertyzu.

Navučenca zatrymali, pravaachoŭniki pačali kryminalnuju spravu

Jeŭraradyjo