Parašenka: Pieramirje pad pahrozaj
14.02.2015 / 13:07
Spynieńnie ahniu, ab jakim u čacvier damovilisia ŭ Minsku, moža skončycca, nie pačaŭšysia, pakolki sieparatysty praciahvajuć abstreły, papiaredziŭ Piatro Parašenka.
Adkaznaść za zachavańnie napružanaści jon uskłaŭ na Rasiju.
U adpaviednaści z pahadnieńniem, dasiahnutym 12 lutaha paśla 16-hadzinnaha pieramoŭnaha marafonu ŭ farmacie «narmandskaj čacviorki», pieramirje ustupaje ŭ siłu z 0 hadzin pa miascovym časie ŭ niadzielu.
Pavodle infarmacyi žurnalistaŭ z zony kanfliktu, mienš čym za sutki da pryznačanaj hadziny niama nijakich prykmiet pasłableńnia napružańnia bajavych dziejańniaŭ.
Takija ž dadzienyja padali naziralniki ABSIE.
«Na našu dumku, Minskaje pahadnieńnie — adziny šlach da ŭstojlivaha pieramirja», — zajaviŭ pres-sakratar misii Majkł Basiurkiŭ.
«My pierakananyja, što Minskaje pahadnieńnie ŭ vialikaj niebiaśpiecy. Na žal, rasijskija nastupalnyja apieracyi ŭzmacnilisia. Paśla taho, što my dasiahnuli ŭ Minsku, heta nie tolki ataka na ŭkrainskich mirnych žycharoŭ, heta ataka na minskija vyniki, pryčym biez tłumačeńnia», — zajaviŭ Parašenka.