velcom viernie abanienckuju płatu paciarpiełym ad zboju
Z 9:25 ranicy 10 lutaha abanienty velcom mieli prablemy z dostupam da internetu i inšych pasłuh. Apieratar abiacaje kampiensavać niazručnaści.
10.02.2015 / 17:30
«Na žal, vyrašeńnie zaniała bolš času, čym čakałasia, u siłu składanaści dyjahnostyki sistem, jakija adkazvajuć za pradastaŭleńnie servisaŭ abanientam, u pryvatnaści kanfihuracyj prahramnaha zabieśpiačeńnia Firewall, dzie byŭ vyjaŭleny zboj», — prakamientavaŭ Hielmut Duz, hienieralny dyrektar velcom.
Ad ranku ŭ abanientaŭ velcom uźnikali prablemy z dostupam da internetu, a taksama pasłuhami pa USSD-kodach. Sajt apieratara byŭ časova niedasiažny. Z 15:30 pačałosia paetapnaje padklučeńnie da pasłuhi pieradačy źviestak. Techničnyja śpiecyjalisty velcom praciahvajuć manitorynh pracy sietki.
«My prynosim prabačeńni ŭsim klijentam, jakija sutyknulisia z dadzienaj prablemaj.
Abanienckaja płata karystalnikam pa praduktach z mabilnym internetam za siońniašni dzień budzie viernutaja»,
— abiacaje Duz.
Akramia taho, apieratar abiacaje pradstaŭlać infarmacyju pra znojdzienyja pryčyny incydentu i miery pa praduchileńni jaho paŭtareńnia.