Litoŭskija nacyjanał-sacyjalisty akazalisia źviazanyja z Maskvoj. Imi zaniałasia prakuratura

06.02.2015 / 09:02

Raspalvańnie teraryzmu — u takim złačynstvie padazrajucca asoby, jakija raspaŭsiudžvajuć u Litvie ideałohiju Uładzimira Pucina i antylitoŭskuju prapahandu. Pravaachoŭnyja orhany iduć pa ich śledzie, piša litoŭski partał Delfi.

Jak paviedamiła Hienprakuratura Litvy, ciapier pravodziacca dva rasśledavańni pa infarmacyi, apublikavanaj u ŚMI. Pieršaje — u suviazi z raspaŭsiudžvańniem kramloŭskaj ideałohii sajtam ltnacionalistas.wordpress.com. Novaje rasśledavańnie pravaachoŭnyja orhany pačynajuć u suviazi z asobami, jakija ahitujuć ŭ Litvie iści za prarasiejskimi sieparatystami ŭ Ukrainie i stvarać «Vilenskuju narodnuju respubliku».

Adnosna «nacyjanał-sacyjalistaŭ» prakurory taksama pravodziać rasśledavańnie jašče pa dvuch artykułach Kryminalnaha kodeksa: «Publičnyja zakliki hvałtoŭna parušyć suvierenitet Litoŭskaj Respubliki» i «Stvareńnie i dziejnaść antykanstytucyjnych hrup abo arhanizacyj». Za pieršaje złačynstva pahražaje da piaci hadoŭ pazbaŭleńnia voli, za druhoje — ad troch da dziesiaci hadoŭ.

Prakurory taksama imhnienna zreahavali i na infarmacyju — ci to žartaŭlivuju, ci to surjoznuju — pra zakliki pa prykładzie ŭkrainskich bajevikoŭ stvaryć u Vilenskim krai «Vilenskuju narodnuju respubliku». 

Aŭtaram zaklikaŭ pahražaje turma za «Publičnyja zakliki hvałtoŭna parušyć suvierenitet Litoŭskaj Respubliki» i «Stvareńnie i dziejnaść antykanstytucyjnych hrup abo arhanizacyj». U raspalvańni teraryzmu ahitatary «narodnaj respubliki» pakul nie padazrajucca.