Namieśnik dyrektara zavoda «Aŭtaprovad» zatrymany ŭ momant atrymańnia chabaru
Zaraz ź im pracujuć śledčyja.
04.02.2015 / 13:51
Ustanoŭlena, što namieśnik dyrektara pa vytvorčaści i zbytu arhanizavaŭ zaklučeńnie damovy na pastaŭku kabielnaj pradukcyi ŭ adras subjekta haspadarańnia adnaho z haradoŭ Rasijskaj Fiederacyi, pry hetym byŭ istotna źnižany košt pradukcyi. Za heta padazravany zapatrabavaŭ sabie 3% ad sumy damovy ŭ jakaści ŭznaharodžańnia, paviedamlaje pres-słužba Śledčaha kamitetu.
Apieratyŭnuju infarmacyju pra toje, što namieśnik dyrektara pramysłovaha pradpryjemstva «vyrašyŭ padzarabić» apieratyŭniki atrymali jašče ŭ śniežni 2014 hoda.
3 lutaha, u ramkach praviadzieńnia apieratyŭna-vyšukovych mierapryjemstvaŭ, atrymalnik chabaru byŭ zatrymany ŭ Minsku z dokazami złačynstva apieratyŭnikami ABEZ Pieršamajskaha RUUS sumiesna sa śpiecpadraździaleńniem «Ałmaz». Suma chabaru skłała 13 800 dalaraŭ ZŠA.
USK pa h. Minsku ŭ dačynieńni da namieśnika dyrektara zaviedziena kryminalnaja sprava pa č. 3 art. 430 Kryminalnaha kodeksu — atrymańnie chabaru ŭ asabliva bujnym pamiery.