Nastup na Debalcava zachłynuŭsia, lidary DNR/ŁNR zajavili pra hatoŭnaść da pieramirja
02.02.2015 / 20:41
Lidary samaabvieščanych «Danieckaj narodnaj respubliki» i «Łuhanskaj narodnaj respubliki» Alaksandr Zacharčanka i Ihar Płatnicki zajavili pra hatoŭnaść spynić nastup. Pra heta havorycca ŭ ich sumiesnaj zajavie.
«Nam nie treba kryvi. My hatovyja spynicca, ale tolki tam, dzie my znachodzimsia ciapier. My nie zdradzim pamiaci zahinułych u studzieni mirnych žycharoŭ i našych bajavych tavaryšaŭ. My — za šlach mirnych pieramoŭ. My patrabujem ad Kijeva sieści za stoł i damaŭlacca», — havorycca ŭ zajavie.
Nahadajem, siońnia dniom Zacharčanka zajaviŭ, što choča mabilizavać u bližejšyja dni 100 tys. čałaviek.