Сотні чалавек выйшлі на Майдан у Кіеве, каб ушанаваць памяць Кузьмы ФОТАФАКТ
02.02.2015 / 20:36
У памяць пра Андрэя Кузьменку, лідара гурту «Скрабін» вядомага як Кузьма, на Майдане Незалежнасці ў Кіеве сабраліся некалькі сотняў чалавек.
Яны нясуць пад стэлу кветкі, свечкі і партрэты спевака.
Кузьма загінуў сёння раніцай у ДТЗ у Днепрапятроўскай вобласці. Аўто спевака сутыкнулася з грузавіком.
Шкадаванне з нагоды гібелі Кузьменкі выказаў сёння таксама прэзідэнт Украіны Пятро Парашэнка.
«Сёння загінуў Андрэй Кузьменка… Шкада кожнага, хто гіне, але разам з Кузьмой мы быццам страцілі часцінку сэрца», — напісаў ён у Твітары.