НАТА перакінула нямецкі, нідэрландскі і нарвежскі спецназ на межы Расіі
16.01.2015 / 09:21
Сілы хуткага рэагавання узброеных сіл Германіі, Нідэрландаў і Нарвегіі былі разгорнутыя ва Усходняй Еўропе, каб адказаць на магчымую пагрозу з боку Расеі. Пра гэта заявіў генеральны сакратар НАТА Енс Столтэнберг, паведамляе The Los Angeles Times.
Генеральны сакратар НАТА не раскрыў інфармацыю аб колькасці вайскоўцаў у гэтых войсках.
«Мы бачым, што міжнароднае права парушана, і суверэнітэт і тэрытарыяльная цэласнасць Украіны парушаюцца. І мы заклікаем Расію выконваць Мінскія пагадненні», — сказаў Столтэнберг.
Прэс-сакратар НАТА Аана Лунгеску адзначыла, што лімітавая колькасць вайскоўцаў складзе «некалькі тысяч ваеннаслужачых», здольных адбіць любы напад або пагрозу бяспецы дзяржаваў НАТА.