U Viciebskaj vobłaści zdaryŭsia pažar u chramie, jość paciarpiełyja
06.01.2015 / 18:04
Ustanaŭlivajecca pryčyna pažaru, jaki zdaryŭsia ŭ chramie ŭ Viciebskaj vobłaści.
Chram Ksienii Błažennaj, ilustracyjnaje fota
Jak paviedamili ŭ Viciebskim abłasnym upraŭleńni MNS, 6 studzienia kala 14 hadzin ratavalnikam ad vidavočcaŭ pastupiła paviedamleńnie pra pažar u chramie Ksienii Błažennaj u vioscy Bierniki Voranaŭskaha sielsavieta Viciebskaha rajona. Paśla prybyćcia da miesca vykliku padraździaleńniaŭ MNS nazirałasia adkrytaje hareńnie kupała chrama, a taksama mocnaje zadymleńnie ŭnutry chrama.
Draŭlany chram pabudavany ŭ 2000 hodzie. Na momant uźniknieńnia pažaru ŭ chramie ludziej nie było, jon byŭ zakryty. Ranišniaja słužba da taho času ŭžo zakončyłasia, a voś viačerniaja i ŭsianočnaja słužby na Rastvo nie adbuducca. U chramie paškodžany dach na płoščy 30 kv. m i 50 kv. m draŭlanych łataŭ.
U vyniku pažaru paciarpieła prychadžanka 1953 hoda naradžeńnia, jakaja z dyjahnazam «apiok ruki i dychalnych šlachoŭ» špitalizavanaja ŭ balnicu. Pa ŭsim vidać, žančyna sprabavała sama likvidavać hareńnie, ale biespaśpiachova, adznačyli ŭ abłasnym upraŭleńni MNS.