Biełaruś na kalarovych zdymkach 1912 hoda
05.01.2015 / 11:50
Bibłijateka Kanhresa ZŠA vystaviła ŭ internet-dostup kalarovyja zdymki Biełarusi 1912 hoda. Jany naležyć Siarhieju Prakudzinu-Horskamu, rasijskamu chimiku i fatohrafu.
Vykarystoŭvajučy aparat ŭłasnaj kanstrukcyi (dakładna jana zastałasia nieviadomaj), Prakudzin-Horski praz kalarovyja śviatłafiltry siniaha, zialonaha i čyrvonaha koleraŭ rabiŭ paśladoŭna try chutkich zdymka adnaho i taho ž siužeta, paśla čaho atrymlivalisia try čorna-biełyja niehatyvy, raźmieščanyja pobač na adnoj fotapłaścinie. Z hetaha trajnoha niehatyvu vyrablaŭsia trajny pazityŭ. Dla prahladu takich fota vykarystoŭvali prajektar z tryma abjektyvami. Kožny kadr prajecyravaŭsia praz śvietłafiltr taho ž koleru, jak i toj, praz jaki jon byŭ źniaty. Pry składańni troch vyjavaŭ (čyrvonaha, zialonaha i siniaha) na ekranie atrymlivaŭsia poŭnakalarovy malunak.
Novaŭviadzieńnie zaklučałasia ŭ tym, što Prakudzin-Horski zdymaŭ nie na try roznyja płaściny, a na adnu, što dazvalała paskoryć praces, vyrablajučy zruch płaściny zamiest zamieny.
U 1911—1912 hadach z nahody śviatkavańnia stahoddzia pieramohi ŭ Ajčynnaj vajnie 1812 hoda Prakudzin-Horski fatahrafavaŭ miescy, źviazanyja z Napaleonaŭskaj kampanijaj, dziakujučy čamu na jaho fotapłaścinach zastalisia zachavanyja biełaruskija krajavidy.
U 1918 Prakudzin-Horski emihravaŭ u Francyju. Pamior u Paryžy ŭ vieraśni 1944 hoda, praz niekalki tydniaŭ paśla vyzvaleńnia horada vojskami sajuźnikaŭ.
Horad Połack, Spasa-Jeŭfrasińnieŭski žanočy manastyr, vyhlad z poŭdnia. Ciapier u hetaha budynka dach ciomna-šeraha koleru
Połack. Pomnik vajnie 1812 hoda na płoščy kala Mikałajeŭskaha sabora.
Pole. Snapy składzienyja ŭ babki.
Połack, vyhlad z paŭnočnaha ŭschodu. Bolšaść draŭlanych pabudovaŭ da našych dzion nie zachavałasia. Domiki charakternyja dla ŭschodniaj Biełarusi — z uvachodam niedzie zboku ci zzadu.
Dźvina u horadzie Drysa (ciapier Vierchniadźvinsk).
Staradaŭniaja kaplica i mur pad Połackam.
Viciebsk, Uśpienski kafiedralny sabor. I ručainka Vićba, nasupierak ujaŭleńniu, što raniej usie reki byli paŭnavodnyja.
Raka Drysa, upadzieńnie ŭ Dźvinu. Čystyja vody, nie zaśmiečanyja arhanikaj, jak heta jość ciapier, u epochu intensiŭnaj sielskaj haspadarki.
Viciebsk.
Połack, ubačany z levaha bieraha Dźviny.
Viciebsk. Fatahrafija zroblena sa zvanicy Kafiedralnaha sabora.
Młynok i stavok.
Jašče Viciebsk.
Połack, pradmieści.
Horad Drysa.
Most cieraz Biarezinu ŭ Barysavie.
Viciebsk. Paŭdniova-ŭschodniaja častka horada.
Minsk, 1912 hod. Ciapierašniaja płošča Svabody.
Miensk, 1912 hod.