Zachoplenaja talibami ŭ Pakistanie škoła vyzvalenaja, ale achviarami napadu stali 132 školniki
16.12.2014 / 20:47
Bolš za 140 čałaviek, u asnoŭnym dzieci, byli zabityja ŭ chodzie napadu talibaŭ na škołu, jakaja znachodzicca pad kiravańniem vajskoŭcaŭ u Piešavary, na paŭnočnym zachadzie Pakistana.
Apieracyja suprać bajevikoŭ, jakija napali na škołu, zavieršana. Usie bajeviki, jakija ŭdzielničali ŭ napadzie, zabityja. Supracoŭniki słužby biaśpieki, tym nie mienš, abśledujuć pamiaškańnia škoły, praviarajučy, ci nie zakładzienyja tam bomby.
Pavodle infarmacyi pakistanskich uładaŭ, achviarami bojni stali nie mienš za 132 školniki.
Mnohija paciarpiełyja znachodziacca ŭ špitalach. Dziesiatki baćkoŭ sprabujuć vyśvietlić, što zdaryłasia ź ich dziećmi.
Piać ci šeść apranutych u vajskovuju formu ekstremistaŭ pieraleźli praz školnuju aharodžu, uvarvalisia ŭ budynak i adkryli ahoń.
Pradstaŭnik pakistanskaha «Talibana» paviedamiŭ, što hety zachop staŭ adkazam na dziejańni pakistanskaj armii suprać talibaŭ.