Małdova nie budzie ŭstupać u NATA — premjer

27.11.2014 / 23:09

Ułady Małdovy nie płanujuć admaŭlacca ad niejtralnaha statusu i vieści krainu ŭ NATA. Pra heta zajaviŭ premjer-ministr Małdovy Juryj Lanke u intervju RIA «Naviny».

«Ja vyrazna vystupaju za niejtralitet krainy. My nie ŭstupim u NATA i chočam, kab usie našy partniory, to na Zachadzie ci na Uschodzie, pavažali naš niejtralny status», — adznačyŭ jon.

«Heta aznačaje, što na terytoryi Małdovy nie pavinna być bolš vajskovaj prysutnaści. My za realny niejtralitet. Navat u siońniašnich realijach my možam dakazać, što jon pajšoŭ na karyść hramadstvu», — dadaŭ jon.

Pa słovach Lanke, meta ŭłady zaklučajecca ŭ tym, kab zrabić Małdovu dziaržavaj dla hramadzian, u asnovie jakoj lažać ahulnapryznanyja sučasnyja kaštoŭnaści — pavaha da pravoŭ čałavieka, viaršenstva zakona, rynkavaja ekanomika.

Nahadajem, raniej ministr zamiežnych spraŭ RF Siarhiej Łaŭroŭ zajaviŭ, što Prydniastroŭje maje prava samastojna vyznačyć svaju budučyniu ŭ vypadku źmieny Małdovaj svajho pazabłokavaha vajenna-palityčnaha statusu.

U Małdovie adbuducca parłamienckija vybary, na jakich, jak čakajecca, pieramoža kaalicyja za jeŭraintehracyju krainy. Rasija ž robić staŭku na partyi «Patria — Radzima» Usataha i Partyju sacyjalistaŭ Dadona.

Možna čakać, što paśla vybaraŭ premjeram zastaniecca Juryj Lanke.