U Mahieryni zapeŭnivajuć, što JES nie prasiŭ aŭtanomii dla Danbasa
24.11.2014 / 23:25
Intervju vysokaha pradstaŭnika JES pa pytańniach źniešniaj palityki i palityki biaśpieki Fiederyki Mahieryni aŭstryjskaj haziecie Kurier ŭtrymlivaje skažonyja cytaty palityka.
Pra heta ŭ adkazie na zapyt Jeŭrapiejskaj praŭdy paviedamiła pres-sakratar Mahieryni Maja Kačyjančyč.
Jak paviedamlałasia, Kurier apublikavała intervju kiraŭnika jeŭrapiejskaj dypłamatyi, u jakim i nibyta zajaviła ab nieabchodnaści «pradastavić aŭtanomiju dla Uschodu Ukrainy», choć da hetaha času ad jeŭrapiejskich dypłamataŭ nie hučała takich patrabavańniaŭ.
«Heta intervju było zroblena jašče da taho, jak Mahieryni ŭznačaliła jeŭrapiejskuju dypłamatyčnuju słužbu, i nam nie zrazumieła, čamu jano vyjšła tolki ciapier», — zajaviła Kačyjančyč.
Jak viadoma, Fiederyka Mahieryni pačała vykanańnie abaviazkaŭ z 1 listapada, da hetaha jana ŭznačalvała MZS Italii.
U pres-słužbie Mahieryni śćviardžajuć taksama, što jaje cytaty ab statusie Ukrainy byli skažonyja.
«Znosiny z žurnalistam byli anhlijskaj, jaje vykazvańni byli značna daŭžejšyja. Tamu, mahčyma, pamyłki źjavilisia pry pierakładzie», — śćviardžaje Maja Kačyjančyč.
«(Na samaj spravie) jana kazała pra čakańni adnosna vykanańnia Minskaha pratakołu i reformy, u tym liku decentralizacyi», - zajaviła pres-sakratar Vysokaha pradstaŭnika JES.
Nieabchodna adznačyć, što publikacyja intervju ŭ Kurier pryviała da taho, što šerah ŚMI zajavili pra nibyta źmianieńnie pazicyi JES pa ŭrehulavańni kanfliktu na Danbasie.