На Данбас прыбыў спецназ ГРУ з Расіі для чысткі ў шэрагах баевікоў?
19.11.2014 / 15:35
На Данбасе дзейнічае спецпадраздзяленне галоўнага разведвальнага ўпраўлення «Вымпел» — яму пастаўлена задача ліквідаваць верхаводаў баевікоў, якія не выконваюць загады Крамля.
Пра гэта паведаміў прадстаўнік Інфармацыйна-аналітычнага цэнтра РНБА Андрэй Лысенка сёння на брыфінгу ў Кіеве.
Паводле яго слоў, некалькі тыдняў таму на тэрыторыю Украіны, а менавіта ў Данецкую вобласць прыбыў спецназ ГРУ генштаба ўзброеных сіл Расіі пад назвай «Вымпел».
«Ён займаецца ліквідацыяй верхаводаў баевікоў, якія не выконваюць тыя рашэнні, якія паступаюць з Крамля», — дадаў Лысенка.