Салістка The Cranberries арыштавана за напад на сцюардэсу

10.11.2014 / 14:54

Салістка групы The Cranberries Далорэс О'Рыардан арыштаваная ў аэрапорце Шэнан у Ірландыі па абвінавачванні ў нападзе на сцюардэсу. Пра гэта паведамляе The Guardian.

Спявачку затрымалі неадкладна па прызямленні самалёта, які ляцеў з Нью-Ёрка, і правялі ў паліцэйскі ўчастак, дзе яна можа правесці да 24 гадзін. Прадстаўнік ірландскай паліцыі паведаміў прэсе, што пры затрыманьні О'Рыардан здзейсніла гвалтоўныя дзеянні таксама ў дачыненні да сіл правапарадку.

Адзначаецца, што пацярпелая сцюардэса накіраваная ў шпіталь з траўмай нагі.