Prajechalisia ŭ aeraport na novym ciahniku FOTAREPARTAŽ
08.11.2014 / 00:01
Jašče ŭviesnu 2013 hoda Łukašenka zahadaŭ puścić u nacyjanalny aeraport «Minsk» ciahnik. Da čempijanatu śvietu pa chakiei złučeńnie naładzić nie paśpieli, ale za 2014-y daručeńnie ŭsio ž vykanali.
Z 7 listapada piać razoŭ na dzień da aeraporta chodzić ciahnik, što adpraŭlajecca z čyhunačnaj stancyi «Minsk-Pasažyrski».
Im i prajechaŭ naš karespandent. Na fota — usio, što vas mahło b cikavić.
Pieršy rejs ciahnika ŭ aeraport adbyŭsia 7 listapada a 16:30.
Pierad rejsam na vakzale nie ładzili nijakich uračystych mierapryjemstvaŭ — da uschodniaha boku płatformy prosta padahnali dyziel-ciahnik.
Ciahnik budzie chadzić u aeraport i nazad piać razoŭ na dzień. Adpraŭleńnie ź Minska: 05:35; 08:45; 12:20; 16:30; 20:25. Z nacyjanalnaha aeraporta «Minsk» da stancyi Minsk-Pasažyrski ciahnik adychodzić a 07:30; 11:05; 14:35; 18:30; 22:25.
Kvitki na ciahnik možna kupić u kasach, płaciežnych terminałach ci ŭ pravadnikoŭ. Padarožža ŭ adzin bok kaštuje 25 tysiačaŭ rubloŭ. Ale, kali kuplać kvitok u pravadnika, daviadziecca zapłacić na 2 tysiačy bolš.
Dla pajezdak u aeraport Biełaruskaja čyhunka vydzieliła trochvahonnyja polskija sastavy.
Paznać novy ciahnik u aeraport možna pa šera-zialonaj afarboŭcy.
Pieršym rejsam ź Minska vyjechała zusim nievialikaja kolkaść ludziej.
Elemienty zialonaha koleru ŭ sałonie robiać ciahnik vielmi ŭtulnym.
U sałonie jość razietki, tamu možna budzie zaradzić svaje hadžety pierad palotam.
U sałonie BČ prapanuje svaje časopisy.
Ciahnik idzie praz Smalavičy — heta adziny prypynak. Ciahnik čamuści nie spyniajecca na stancyi Minsk-Uschodni, choć jana i znachodzicca la stancyi mietro. Zdajecca, tady b da ciahnika ŭ aeraport było zručna dabiracca ludziam, jakija karystajucca Aŭtazavodskaj linijaj mietro.
Na žal, u pravadnikoŭ nielha nabyć kvitok z dapamohaj bankaŭskaj kartki.
U Smalavičach u ciahnik sieli supracoŭniki čyhunki, jakija viesieła śviatkavali adkryćcio novaj linii.
Pajezdka da aeraporta ciahniecca 56 chvilin. Adnak čyhunačnaja stancyja znachodzicca zzadu terminała, tamu, kab dabracca da ŭvachodu ŭ aeraport, treba pierasieści ŭ aŭtobus.
Upryhožanaja da ŭračystaha adkryćcia stancyja Nacyjanalny aeraport «Minsk».
Pajezdka na aŭtobusie zajmaje jašče kala 10 chvilin.
Aŭtobus padjazdžaje da aeraporta.
Pasažyraŭ vysadžvajuć u zonie adlotaŭ na druhim paviersie terminała.
U advarotny bok aŭtobus adpraŭlajecca z prypynku la terminała.