Fest «Bahač» projdzie 20 vieraśnia ŭ Viazyncy
16.09.2014 / 14:32
U Viazyncy Maładziečanskaha rajona ŭ 2013 hodzie. Fota Valeryja Traciaka z archivu Kraj.baj
Fest tradycyjnaj kultury «Bahač» zładziać 20 vieraśnia. U prahramie mierapryjemstva tradycyjnyja śpievy i tancy, majstar-kłasy, kirmaš ramiostvaŭ i praca kavala.
Pra heta Kraj.baj paviedamiła pradstaŭnik studenckaha etnahrafičnaha tavarystva Maryna Zujeva. Pa słovach surazmoŭcy, u hetym hodzie arhanizatary płanujuć pryciahnuć da vosieńskaha śviata nie tolki mienčukoŭ, ale i žycharoŭ rehijonaŭ.
— Studenckaje tavarystva arhanizuje «Bahač» druhi raz. U hetym hodzie my pastaralisia ŭdaskanalić śviatočnuju prahramu. Tak, — dadała jana, – budzie bolš raźvity kirmaš ramiestvaŭ. A taksama u nas zapłanavany tradycyjnyja śpievy i tancy, majstar-kłasy pa vycinancy i vyrabu fihurak z travy, budzie pracavať kaval.
Jak patłumačyła Maryna Zujeva, padčas śviata budzie rekanstrujavany mienavita sam abrad «Bahač». Pačatak śviata zapłanavany na 12.00, zakančeńnie — na 17.00. Uvachod płatny.