U Japonii praviali pieršuju ŭ śviecie apieracyju pa pierasadcy siatčatki voka sa stvałavych kletak
13.09.2014 / 15:39
Japonskija miedyki praviali pieršuju ŭ śviecie apieracyju pa pierasadcy siatčatki voka sa stvałavych kletak, paviedamlajuć infarmahienctvy.
Napiaredadni śpiecyjalisty pierasadzili siatčatku voka 70-hadovaj pacyjentcy, chvoraj na makuładystrafiju. Pa słovach žančyny, dziakujučy pracedury jaje vobłaść zroku stała śviatlejšaj.
U japonskim dziaržaŭnym Instytucie naturalnych navuk (Ryken), jaki pravodzić kliničnyja vyprabavańni mietadu, miarkujuć, što heta moža być stanoŭčym vynikam. Adnak nie vyklučana, što padobnyja źmieny mahli adbycca ad prostaha adlivu kryvianych cielcaŭ z vočnych sasudaŭ, i tamu rabić kančatkovyja vysnovy rana.
Makuładystrafija paškodžvaje siatčatku voka i źjaŭlajecca adnoj z asnoŭnych pryčyn ślepaty siarod pažyłych ludziej, a isnujučyja ŭ ciapierašni čas mietady lačeńnia hetaha zachvorvańnia zdolnyja tolki časova likvidavać jaho simptomy.