Palicyja nazvała pryčynu śmierci Robina Uiljamsa
12.08.2014 / 22:09
Aficyjnaj pryčynaj śmierci amierykanskaha akciora Robina Uiljamsa stała asfiksija. Pra heta, jak paviedamlaje ŭ aŭtorak, 12 žniŭnia, Associated Press, zajaviŭ pradstaŭnik palicyi Kalifornii Kit Bojd.
AFP
Komik, jak i paviedamlałasia raniej, byŭ znojdzieny z ramianiom na šyi. Na ruce Uilmsa taksama byli vyjaŭlenyja niekalki nadrezaŭ, a pobač lažaŭ nož.
Razam z tym u palicyi padkreślili, što ŭdušša razhladajecca jak papiaredniaja pryčyna hibieli akciora. Rasśledavańnie śmierci Uiljamsa praciahvajecca.
U paniadziełak, 11 žniŭnia, Robin Uiljams byŭ znojdzieny miortvym va ŭłasnym domie ŭ horadzie Tybieron (štat Kalifornija). Pavodle papiarednich źviestak, jon skončyŭ žyćcio samahubstvam.