Abramovič zusim vyraksia Čukotki
02.07.2013 / 09:23
Miljarder, eks-hubiernatar Čukotki Raman Abramovič u aŭtorak dobraachvotna skłaŭ ź siabie paŭnamoctvy staršyni dumy Čukockaj aŭtanomnaj akruhi, paviedamlajecca na sajcie administracyi rehijonu.
Raman Abramovič uznačalvaŭ čukockuju dumu z 2008 hoda. Na pasadu novaha staršyni deputaty abrali Aramaisa Dałłakiana.
Jak adznačajecca na sajcie rehijanalnaj administracyi, rašeńnie Ramana Abramoviča źviazana ź jaho namieram vykonvać rasijskaje zakanadaŭstva ŭ suviazi z ustupleńniem u siłu fiederalnaha zakona, jaki zabaraniaje čynoŭnikam mieć finansavyja intaresy za miažoj: zachoŭvać najaŭnyja hrošy i kaštoŭnaści ŭ zamiežnych bankach, a taksama vałodać abo karystacca zamiežnymi finansavymi instrumientami.
Bahaćcie Ramana Abramoviča aceńvajecca ŭ 13,4 młrd dalaraŭ, u 2011 hodzie miljarder zaniaŭ 9 miesca ŭ śpisie 200 najbahaciejšych biźniesmienaŭ Rasii pa viersii časopisa Forbes. Abramoviču naležyć brytanski futbolny kłub "Čełsi".