Bakijeŭ: Ja hramadzianin Biełarusi z 2010 hoda
04.06.2013 / 16:00
Kurmanbiek Bakijeŭ, archiŭnaje fota.
Zrynuty prezydent Kirhizstanu, vydačy jakoha damahajucca ciapierašnija kirhiskija ŭłady, paśla doŭhaha maŭčańnia daŭ interviju Interfaksu.
Kurmanbiek Bakijeŭ vykazaŭ krytyku na adras dziejnych uładaŭ Kirhizstanu z nahody sacyjalnaha kanfliktu, jaki ŭźnik apošnim časam vakoł radovišča «Kumtor».
Pavodle Bakijeva, ułady «dziejničajuć u niapravilnym kirunku».
Bakijeŭ taksama zajaviŭ, što kančatkova syšoŭ z palityki, nie źbirajecca viartacca na radzimu i ličyć marnymi sproby damahčysia ad biełaruskich uładaŭ jaho ekstradycyi. Bakijeŭ zaznačyŭ, što jon hramadzianin Biełarusi z 2010 hodu i zhodna z zakanadaŭstvam ekstradycyi nie padlahaje.