Джыгурда стаў саўладальнікам Facebook

22.04.2013 / 15:02

Расійскі шоумэн Мікіта Джыгурда набыў 39 тысяч акцый сацыяльнай сеткі Facebook.

Джыгурда выклаў у Інтэрнэт відэапасланне, дзе паведамляе пра буйное ўкладанне — эпатажны акцёр патраціў мільён даляраў на акцыі Facebook, стаўшы саўладальнікам кампаніі. Аператарам здзелкі выступіла трэйдынгавая кампанія United Traders, адна з найбуйнейшых у Расіі.

Першапачаткова Джыгурда хацеў набыць акцыі «Укантакце», аднак спазніўся з укладам.

У фінальнай частцы відэапаслання Джыгурда звярнуўся да Марка Цукерберга, стваральніка Facebook, спрагназаваўшы хуткую сустрэчу на пасяджэнні рады дырэктараў.