14-hadovaj dastałasia ad adnahodki. Pjany dzień narodzinaŭ skončyŭsia cyničnym chulihanstvam

17.04.2013 / 22:58

Śviatkavańnie dnia naradžeńnia ŭ lasnym masivie ŭ Vaŭkavysku zaviaršyłasia chulihanskimi dziejańniami z «vyklučnym cynizmam» 14-hadovaj dziaŭčyny ŭ dačynieńni da jaje ravieśnicy.

Vaŭkavyskim rajonnym addziełam Śledčaha kamiteta rasśledujecca kryminalnaja sprava pa fakcie chulihanstva. Viadoma, što padletki znachodzilisia ŭ stanie ałkaholnaha apjanieńnia. Paciarpiełaj pryčynienyja cialesnyja paškodžańni, stupień ciažaru jakich budzie ŭstanoŭlena pa vynikach sudova-miedycynskaj ekśpiertyzy.

Da aficyjnaha zaklučeńnia ekśpiertaŭ i ŭ intaresach niepaŭnaletniaj asoby padrabiaznaści incydentu nie vydajucca.
«Złačynstva ździejśniena z chulihanskich pamknieńniaŭ i charaktaryzujecca vyklučnym cynizmam», — adznačyła pradstaŭnik SK.

U dačynieńni da 14-hadovaj dziaŭčyny, jakaja padazrajecca ŭ ździajśnieńni chulihanstva, miera strymańnia nie abirałasia.