Saakašvili ŭ Turcyi zvaliŭsia z rovara i złamaŭ ruku

08.04.2013 / 14:24

Prezident Hruzii Michaił Saakašvili, jaki znachodzicca ź vizitam u Stambule, zvaliŭsia z rovara i złamaŭ ruku, paviedamlajuć u paniadziełak tureckija elektronnyja ŚMI.

Incydent adbyŭsia ŭ niadzielu, kali Saakašvili rabiŭ rovarny špacyr. Prezident Hruzii byŭ dastaŭleny ŭ balnicu, jakija-niebudź inšyja padrabiaznaści nie paviedamlajucca.

Prahrama pieramovaŭ Saakašvili z tureckimi ŭładami, zapłanavanaja na paniadziełak, admieniena. Pieramovy adbuducca 9 krasavika.

Aficyjnaha pacvierdžańnia hetaj infarmacyi pakul niama.