У Івацэвіцкім раёне cкончыў жыццё самагубствам 17-гадовы юнак
08.04.2013 / 13:28
Як паведаміў начальнік Івацэвіцкага раённага аддзела Следчага камітэта Вадзім Лішко, 7 красавіка прыкладна ў 7.00 у пятлі мёртвага сына знайшла маці ў гаспадарчай пабудове ў двары дома.
Загінулы вучыўся ў адным з каледжаў Гродзенскай вобласці. На выхадныя ён прыехаў у вёску дамоў, дзе жыў з маці. Паводле слоў жанчыны, калі яна клалася спаць, сын сядзеў за камп'ютарам. Раніцай, выявіўшы, што сына няма дома, яна пачала яго шукаць і знайшла павешаным.
Івацэвіцкі раённы аддзел Следчага камітэта ўстанаўлівае акалічнасці і матывы, якія схілілі юнака звесці рахункі з жыццём.
У 2002 годзе бацька юнака скончыў жыццё самагубствам праз павешанне.